अम्बर मेमोरियल लोकल लीगको फाइनल खेलमा मालबस्ती एघार च्याम्पियन ....
56कन्सेटो क्लबको आयोजनमा मालबस्ती खेल मैदाना चलिरहेको अम्बर मेमोरियल लोकल लीगको फाइनल खेल बुधवार सम्पन्न भयो। मालबस्ती एघार अनि गोरूबथान युनाइटेड क्लबमाझ खेलिएको खिताबी भिडन्तमा मालबस्ती एघार च्याम्पियन बन्यो। पानीझरीबीच खेलिएको रोमाञ्चक खेलमा निर्धारित समयसम्ममा दुवै पक्ष 1-1 गोल गर्न सक्षम बन्यो। त्यसपछि च्याम्पियन ट्रफीको निम्ति खेल ट्राइब्रेकरसम्म लम्बियो। जसमा मालबस्ती एघार विजयी बन्यो। विजयी अनि उपविजेता दललाई नगद राशिसितै आकर्षक ट्रफी प्रदान गरियो। सचिन गुरुङलाई सर्वाधिक गोलदाता (गोरूबथान युनाइटेड), सर्वश्रेष्ठ खेलाडी योगेन राई, म्यान अफ् द म्याच बी गुरुङलाई चयन गरियो। मेघनाथ राईको अध्यक्षतामा सम्पन्न चुडान्त खेलमा एलबी सोताङ मुख्य अतिथिको रूपमा उपस्थित थिए। त्यसरी नै गजेन्द्र गुरुङ, डीबी सार्की, बसन्त गुरुङ, बबरू बहन राणा आदि विशिष्ट अतिथि अनि विशाल परियार, रतन थापा, सुभराज सुब्बा, आशिष राई, राजेन गुरुङ, सत्येन लामा, ओमप्रकाश गुप्ता आदि अतिथिको रूपमा उपस्थित थिए। रेफ्रीको रूपमा अशोक रोय, राजु घिमिरे, दिवस शर्मा रहेका थिए। टुर्नामेन्टमा स्थानीय 12 वटा टोलीहरूले सहभागिता जनाएका थिए। दाताहरूमा विजेता ट्रफी स्व. अम्बर बहादुर गुरुङको स्मृतिमा गजेन्द्र गुरुङले, उपविजेता ट्रफी स्व. अम्बर बहादुर राणाको नाममा बबरू बहन राणाले, विजेता-उपविजेतालाई प्रदान गरिएको व्यक्तिगत पुरस्कार अशोक सुनामले स्व. बाबा कर्णबहादुर सुनाम र आमा स्व. गंगामाया सुनामको नाममा, सर्वाधिक गोल दाताको ट्रफी ओमप्रकाश कार्कीले, म्यान अफ द टुर्नामेन्ट ओमप्रकाश गुप्ताले, म्यान अफ द म्याच विकाश प्रधानले प्रदान गरेका थिए। आयोजक कमिटीको पक्षमा सचिव काशिराम प्रधानले कार्यक्रमलाई सफल बनाउन सहयोग पुराउने सम्पूर्ण दाता, खेलाडीलगायत सबैप्रति आभार प्रकट गरे।
Camera/ Edit
Lenin Rai Kulung
8637816394/ 9733161396