खरसाङ ' व्हाइट अर्किड' उत्सव शुभारम्भ ...
2भारतीय गोर्खा प्रजातान्त्रिक माेर्चा अनि खरसाङ नगरपालीकाको सँयुक्त तत्वावधानमा आयोजित तीन दिवसीय व्हाइट अर्किड उत्सव आज जीटीए मुख्य कार्यपाल अनित थापाले विधिवत उद्घाटन गरे।
विहान 11 बजे खरसाङ पुरानो बस टर्मिनस देखि सांस्कृतिक, साङ्गीतिक झाँकी लिएर संघ, संस्था अनि समाजका प्रतिनिधिहरूको ठूलो जुलुसले नगर परिक्रमा गर्यौ। लाखे नृत्य, याक नृत्य , सनाई बादन आदिको प्रस्तुति बाटो बाटोमा देखियो। स्थानीय फूटबल क्लबका खेलाडीहरू, स्कुलका विद्यार्थीहरूले पनि जुलुसमा भाग लिएका थिए।
नगर परिक्रमा गरेको जुलुसले अन्तमा गएर व्हाइट अर्किड उत्सव स्थल मन्टेभियट खेल मैदानमा पुगेर उत्सव समारोहमा सम्मिलित भयो।
समारोहलाई अनित थापाको बाहूलीबाट दीप प्रज्ज्वलन गरेर सुरुवात गरियो । राई माइलाले गाउँ छोडेछ गीतको धुनलाई नेपाली बाजा गाजाको साथमा प्रस्तुत गरियो। त्यसरी नै याक नृत्य, मारूनी नृत्यले दर्शकलाई मोहित पार्यो।
उत्तरार्धको कार्यक्रममा सांस्कृतिक फेसन शो , कविता वाचन , साङ्गीतिक कार्यक्रम रहेको थियो। आजको अन्तिम कार्यक्रम नेपालका प्रख्यात ब्याण्ड कब वेबको रहनेछ।