गोजमुमो महासचिव अनित थापा कोरोना जस्तो घातक रोगलाई पर्वाह नगरि मानवताको निम्ति अघि आए ...
6"मृत्यु पश्चात पनि व्यक्तिले सम्मान पाउनु पर्छ" - अनित थापा
इन्द्र बहादुर प्रधान तीनधारे राजबाडी निवासी ५ मईको दिन कोरोना सङ्क्रमित भएर त्रिवेणी कोविड अस्पतालमा भर्ना भएको थिए । त्यहाँ उनको स्वास्थ्यमा सुधार आएपश्चात उनलाई पुनः खरसाङ अस्पताल रेफर गरियो। हिज राती उनको स्वास्थ्यमा अचानक गिरावट आयो अनि रातको करिब ५:३० बजे अस्पतालमा नै उनको निधन भयो।
जुएल प्रधान, दिवङ्गत इन्द्र बहादुर प्रधानका सुपुत्र भन्छन, " त्रिवेणी अस्पतालमा गोजमुमो महासचिव अनित थापाको परामर्श अनुसार नै मैले लगेको थिए। बाबाको मृत्यु समय म एक्लै थिएँ। म आत्तिए। मेरो सामु न त परिवारका सदस्यहरू थिए न त गाउँका कुनै व्यक्ति। यस्तो समयमा महासचिव अनित थापाले स्वयं फोन गरेर मेरो आँट बढाइदिनु भयो।"
उनी भन्छन, " यो कोविद महामारीको समय मैले कहींबाट पनि समयमा सहयोग पाउनु नसकेको बेला अनित थापाले मेरो निम्ति ठूलो उपकार गर्नु भएको छ। मेरो परिवारसम्म नजिक नभएको समय अनित थापा मेरो निम्ति स्वयं आएर सबै कुराको चाँजो मिलाईदिनु भयो। "
महासचिव थापा बिहान ६:३० बजे नै अस्पताल पुगे। उनको साथमा नगरपालिकाका कमिश्नर, अधिकारी अनि कर्मचारी पनि थिए।
कोरोना महामारीको समय शवलाई अन्तिम संस्कार गर्न नै मुख्य समस्या विगत दिनहरूमा देखिएको हो। नगरपालिकाका उपाध्यक्ष ब्रिगेन गुरुङ, पार्षद सुबास प्रधानको निर्णय अनुसार शवको अंतिम संस्कार खरसाङ शव घाटमा नै गर्ने निधो भयो। शवलाई कोविड प्रोटोकल पालन गर्दै खरसाङ शव घाटमा लगेर नगरपालिका अनि परिवार सदस्यले अन्तिम संस्कार विधिवत् तरिकाले गरे।
अनित थापा भन्छन, " शवलाई तीनधारे लैजाने कि नलैजाने भन्ने विषय अन्योल भइरहेको थियो। जोएल भाईसंग मेरो जोगाजोग राति नै भएको थियो। उनको अन्योलता देखेर मैले भने कि आतिनु पर्दैन। बिहान आएर सबै कुराको प्रबन्ध हुन्छ। आज बिहान नगरपालिकाका उपाध्यक्ष ब्रिगेन गुरुङको टीम अनि म बसेर अन्तिम संस्कार सम्मानसाथ खरसाङमा नै गर्ने निधो गर्यौ।"
अनित थापा अझ भन्छन, " जोएल भाइले आफ्नो बाबा गुमाउनु भनेको ठूलो क्षति हो। तर मृत्यु पश्चात पनि मर्ने व्यक्तिले सम्मान पाउनुपर्छ भन्ने मेरो धारणा छ। उनको अन्तिम संस्कार विधिवत् तरिकाले सम्मानपुर्वक हुनु पर्छ। मैले बारम्बार भनेको छु कि डाक्टर अनि नर्सहरूले कोविड पोजिटिभलाई नेगेटिभ बनाउन दिनरात एक गरेर काम गरिरहेका छन्। यो समय म भन्छु हाम्रो मानवतालाई कोविदले जित्नु दिनु हुँदैन।"
Edit
Lenin Rai
8637816394/ 9733161396.