सुर्सुम कोर्डा कोविद केन्द्र दार्जीलिङलाई गोजमुमो महासचिव थापाद्वारा कमप्युटराइज्ड ईसीजी मसिन प्रदान
5सुर्सुम कोर्डा कोविद केन्द्र दार्जीलिङलाई गोजमुमो महासचिव अनित थापाद्वारा कमप्युटराइज्ड ईसीजी मसिन प्रदान
"यसरी नै मिलेर हामीले काम गर्यौ भने पहिला जस्तो यसपाली पनि हामी कोविदलाई जितेर मुक्त हुनेछौ।" अनित थापा
आज अनित थापा सन्त जोसेफ स्कूल, दार्जीलिङ पुगेका थिए। उनले कोविद केन्द्रका सञ्चालक फादर भर्गिसलाई भेटेर मसिन हस्तान्तरण गरे।
महासचिव थापाले भने, "कोविद संक्रमणलाई रोकथाम गर्नु अनि त्यसको व्यवस्थापनमाथि दार्जीलिङ्ग पहाडमा धेरै काम भइरहेको छ। डाक्टर, नर्सहरु दिनरात खटिरहेका छन। सरकारी अस्पतालहरूमा कोविद वार्डमा कोविद सङ्क्रमितहरुको उपचार भइरहेको छ। जीटीए प्रशासन अनि स्वास्थ्य विभागले सराहनीय कार्य गरिरहेका छन्।"
सुर्सुम कोर्डा कोविद केन्द्र, दार्जीलिङलाई दिइएको सहयोगमाथि टिप्पणी गर्दै उनी भन्छन, "फादरहरुको नेतृत्वमा दार्जीलिङ्ग शहरमा कोविद महामारीलाई रोक्न, अस्पताललाई हुने प्रेसरलाई सहयोग पुर्याउन सूर्सुम कोर्डा कोविद केन्द्र सञ्चालन भएको हो। उहाँहरूको सराहनीय कार्यलाई हामीले केही सहयोग गर्न सक्छौ कि भनेर आज मैले कमप्युटराइज्ड इसिजी मशिन प्रदान गरेको हुँ।
फादरहरुसंग म शुरुदेखि नै सम्पर्कमा रहेको छु। उहाँहरूको कार्यमा मेरोबाट हुनसक्ने सहयोग दिँदै आएको छु। कोविदको लड़ाईमा हामी सबै एक भएर कार्य गरिरहेका छौ। यदि यसरी नै मिलेर हामीले काम गर्यौ भने पहिला जस्तो यसपाली पनि हामी कोविद लाई जितेर मुक्त हुनेछौ।
मंग्पू अस्पतालमा पनि यस्तो ईसीजी मसिन केही दिनमा नै उपलब्ध गराउँदैछु।"
केन्द्रमा कोविद संक्रमण भएर आउने ३०% व्यक्तिहरू डायबेटिजको बिरामी पाइएको छ। स्वास्थ्य सुरक्षा अनुसार यस्ता बिरामीहरूको नियमित रूपमा हृदयको जाँच भइरहनु पर्छ जब उनीहरूको कोविदको उपचार हुँदछ।
सुर्सुम कोर्डा कोविद केन्द्र दार्जीलिङ्गको सन्त जोसेफ स्कूल अनि कलेज परिसरमा येशू समाजी फादरहरुले सञ्चालन गर्दै आएका छन्। अनित थापाले केन्द्र सञ्चालन भएको प्रथम दिनमा नै केन्द्रलाई चाहिने दुई महिनाको निम्ति खाद्यान्न प्रदान गरेका थिए। फादर भर्गिसले महासचिव थापाप्रति आभार प्रकट गरेका छन्।
Edit
Lenin Rai
8637816394/ 9733161396.