सरकारद्वारा पारित जनविरोधी कानुनहरूको विरोधमा सांस्कृतिक प्रतिवाद जनाउँदै श्रमजीवी अधिकार अभियान ...
2श्रमजीवी अधिकार अभियानको 18औँ दिन लाटपञ्चरबाट शुरू भयो। केन्द्र शासित भारतीय जनता पार्टी सरकारले पारित गरेको जनविरोधी कानुनहरूको विरोधमा सांस्कृतिक प्रतिवाद जनाउँदै हाल पहाडको विभिन्न क्षेत्रहरूमा श्रमजीवी अधिकार अभियान चलिरहेको छ। कोरोनाकालमा जनमानसको मौनताको फाइदा उठाएर केन्द्र सरकारले पुँजीपतिहरूको पक्ष पोषण गर्न विभिन्न प्रकारका कानुनहरू पारित गरेको छ। श्रम कोड, कृषि कानुन, नीजिकरण साथै सरकारी सम्पत्तिहरू बिक्री गर्ने सरकारको नीतिको विरोध जनाउँदै गत 6 फरवरीदेखि शुरू भएको यस अभियानमा क्षेत्रका युवा-विद्यार्थीहरू, किसान - मजदुरहरूले पनि भाग लिइरहेका छन्। भाजपा/आरएसएसको फासीवादी आक्रमणको विरोधमा निकालिएको यस अभियानले आज सिटङ, लङ्कु, सुनतले, मङ्गपु, टिस्टाभेली, गेल, रङ्गली, तकदाह आदि क्षेत्रहरूको भ्रमण गरेको छ। यी क्षेत्रहरूमा पदसभा साथै सांस्कृतिक प्रतिवादको आयोजना गरेर जनमानसलाई केन्द्र सरकारको तानाशाही आक्रमण बारे सचेत गरिएको छ। विभिन्न स्थानहरूमा सम्पन्न भएको आजको पदसभाहरूलाई बिपल रसाईली, छेवाङ योञ्जन,,कपिल तामाङ, मिलन लामा आदिले सम्बोधन गरेका थिए। सांस्कृतिक कर्मीहरूले जनवादी गीतहरू प्रस्तुत गरेर अभियानलाई थप उर्जाशील बनाएका थिए। आज साझ अभियान पेशोक चिया बगान पुगेको छ।
Report
Chewang yonzon
Edit
Rohan Kulung
8637816394/ 9733161396.