क्रान्तिकारी मार्क्सवादी कम्युनिष्ट पार्टीद्वारा गोरुबथानमा पोस्टरिङ ...
7पार्टीको 24 औं स्थापना दिवसलाई सफल बनाउन क्रान्तिकारी मार्क्सवादी कम्युनिष्ट पार्टीले तयारी शुरु गरेको छ। जीडीएनएस भवन दार्जिलिङमा 15 दिसम्बरको दिन हुने स्थापना दिवसको निम्ति सोमबार क्रामाकपा कालेबुङ आञ्चलिक कमिटीद्वारा गोरूबथानका विभिन्न स्थानहरुमा पोस्टरिङ गरियो। पार्टीको 24 औं स्थापना दिवसको अवसरमा सम्पन्न हुने केन्द्रीय जनसमावेशमा उपस्थित भइदिन पोस्टरमा आह्वान गरिएको छ। क्रामाकपाको एउटै माग छुट्टै राज्य गोर्खाल्याण्ड रहेको बताउँदै उक्त जनसमावेशलाई सफल बनाउन पार्टीले गोर्खाल्याण्डप्रेमी जनताप्रति अपील गरेको छ। यस अवसरमा क्रामाकपा कालेबुङ आञ्चलिक कमिटी सभापति किशोर प्रधान, कोअर्डिनेटर बिक्रम छेत्री, आञ्चलिक सदस्य जीतराज राई आदिको सहभागिता रहेको थियो। गोरूबथान आएको टोलीले स्थानीय गोरुबथान टार, अप्पर फागु, राई गाउँ, मुन्सी लाइनका पार्टी कार्यकर्ताहरुसित बैठक पनि गर्यो। त्यसरी नै सोमबारे बजारमा पनि स्थानीय सचेत तथा शिक्षित वर्गसित भेट गरेर पहाडको वर्तमान अवस्थामाथि चर्चा गरियो। पहाडमा गोर्खा जातिको दीर्घकालीन माग छुट्टै राज्य गोर्खाल्याण्डलाई इमान्दारका साथ अघि बढाउने दल क्रामाकपा मात्र रहेको भेटघाट कार्यक्रममा छलफल गरिएको जानकारी प्राप्त भएको छ।
Camera/ Edit
Rohan Kulung
8637816394/ 9733161396