कालेबुङ थानाको शताब्दीऔं वर्षगाँठमा गोरूबथानमा विविध कार्यक्रम गरिने ...
10कालेबुङ पुलिस स्टेशन स्थापनाको 100 वर्ष पूरा भएको अवसरमा कालेबुङ पुलिसले विभिन्न कार्यक्रमहरू आयोजन गरिरहेको छ। पुलिस पब्लिक रिलेशनको थीममा भइरहेको यस ऐतिहासिक कार्यक्रमलाई सफलतापूर्वक सम्पन्न गराउन नृत्य, बस् अनि चित्र बनाऊ प्रतियोगिता, स्पट क्वीच आदि कार्यक्रम आयोजन भइरहेको छ। यसको निम्ति अनलाइन रेजिस्ट्रेशन पनि शुरु भएको छ। जसको निम्ति वाट्सएप नम्बर जारी गरिएको छ। उक्त नम्बरमा सहभागी प्रतियोगीले आफ्नो सम्पूर्ण विवरण पठाउनु पर्नेछ। जिल्लाव्यापी हुने यस कार्यक्रम गोरूबथानमा पनि हुने जानकारी प्राप्त भएको छ। गोरूबथान थानाको आयोजनमा यहाँको युद्धवीर उमाविमा बस् अनि चित्र बनाऊ प्रतियोगिता आयोजन हुनेछ। सहभागी प्रतियोगीहरूले आफुसित कलर, ब्रस लिएर आउनु पर्नेछ। 27 दिसम्बर बिहान 11 बजेदेखि हुने यस प्रतियोगितालाई तीन वर्गमा बाँडिएको छ। पहिलो वर्गमा 9 वर्षसम्मको नानीहरूले सहभागिता जनाउन सक्नेछन् भने दोस्रो वर्गमा 9 देखि 16 अनि तेस्रो वर्गमा 16 वर्षदेखि माथिका नानीहरूले सहभागिता जनाउन सक्नेछन्। विजयी प्रतियोगीहरूलाई कालेबुङ लगिनेछ। जसको सम्पूर्ण जिम्मेवारी गोरूबथान पुलिसले लिनेछ। त्यसी नै नृत्य प्रतियोगितामा सहभागिता जनाउने प्रतियोगीहरूले तीन मिनटको एकल नृत्यको भिडिओ क्लिप 9339191877 मा पठाउनु पर्नेछ। नृत्यलाई दुइ वर्गमा बाँडिएको छ। जसमा 9 वर्षसम्म पहिलो वर्ग, 9 देखि 15 दोस्रो वर्ग रहेको छ। चुनिएका प्रतियोगीहरूलाई कालेबुङ बोलाइनेछ। प्रतियोगीहरूलाई लाने ल्याउने व्यवस्था पनि गोरूबथान पुलिसले गर्नेछ। अर्कोतिर 26 दिसम्बरको दिन स्पट क्वीज आयोजन हुनेछ। जसको निम्ति सोमबारे बजार, पानडाँडा अनि अम्बियोक चियाबारीलाई चयन गरिएको छ। यस अवसरमा स्पटमै क्वीच हुनेछ र विजयी प्रतियोगीलाई स्पटमै पुरस्कार दिइनेछ। बस् अनि चित्र बनाऊ प्रतियोगिताको निम्ति 9339397466 वाट्सएप नम्बरमा प्रतियोगीको नाम, अभिभावकको नाम, उमेर, ठेगाना, सम्पर्क नम्बर, कुन प्रतियोगितामा सहभागिता जनाउने आदि विषयबारे लेखेर पठाउऩु पर्नेछ। रेजिस्ट्रेशन गर्ने अन्तिम मिति 23 दिसम्बर रहेको छ। विजयी प्रतियोगीहरूलाई आकर्षक पुरस्कार र प्रमाण पत्र प्रदान गरिनेछ। पुलिसद्वारा आयोजिक विविध कार्यक्रमबारे थप जानकारी लिन नजिकैको पुलिस स्टेशनमा यस नम्बरमा 7719374560 / 972102728 सम्पर्क गर्ने सकिने गोरूबथान पुलिस थाना प्रभारी सौरभ घोषले जनाएका छन्।
Edit
Lenin Rai
8637816394/ 9733161396.