कोरोनासँग लड़नको निम्ति सबैले सकारात्मक भएर कार्य गरिदिने जीटीए अध्यक्ष अनित थापाको अनुरोध ...
13कोरोनासँग लड़नको निम्ति पहाड़का सबै वर्गका मानिसहरूलाई अघि आईदिने औ यो बेला कसैले पनि नकारात्मक प्रतिक्रिया नगरिदिने अनुरोध जीटीए अध्यक्ष अनित थापाले आज खरसाङमा एउटा पत्रकार सम्मेलन डाकेर गरेका छन। तिनले दार्जिलिंगका विधायक नीरज जिम्बाद्वरा हिज जारी एक बयानमा जीटीएद्वारा स्थापित सार्वजनिक भान्साघरमा पीडीएसको चामल प्रयोग गरिरहेको विषयलाई लिएर आज यहाँ अध्यक्ष थापाले एक पत्रकार सम्मेलन डाकेका हुन भने तिनले जिम्बाको उक्त बयान साँचो नरहेको जनाए बरू उल्टा अध्यक्ष थापाले जिम्बालाई पनि सार्वजनिक भान्साघरको एकजना सदस्य भएर जनसाधरणको हित र सहयोगको निम्ति अघि आएर काम गर्ने आग्रह गरे। तिनले यो समय राजनीति बयानबाजी गर्ने र कसैलाई दोष्याउने समय नरहेको उल्लेख गर्दै पहाड़लाई सदैव कोरोनामुक्त राख्नको निम्ति सबैको साझा सहयोग र सहभागिताको आवश्यकता रहेको बताए। थापाले दार्जिलिंगका सांसद राजु विष्टलाई पनि आग्रह गर्दै लकडाउनको कारण उनी आफ्नो संसदीय क्षेत्रमा आउन नपाएपनि आफ्नो पक्षबाट दिल्लीमानै एउटा हैल्पलाइन खोलेर त्यहाँका हाम्रा गोर्खा दाजू-भाई,दिदी-बहिनीहरूलाई सहयोग पूर्याईदिए हामी आभारी रहनेछौं भनी जनाए। यसै अवधि देशका विभिन्न राज्यहरूमा जीटीएद्वारा खोलिएको हैल्प लाईनले धेरै राम्रा कामहरू गरेको बताउँदै दिल्लीमा बन्दना राई लगायत अन्यहरूले जसरी सकारात्मक सोच राखेर सल्लाह,सुझाव र सहयोग पुर्याई रहेका छन त्यसको निम्ति म उनीहरूलाई धन्यवाद दिँदछु भन्दै थापाले अरूलाई पनि यसरी नै यो कोरोनाको लड़ाईमा सकारात्मक सोच राखेर कार्य गरिदिने आग्रह पनि गरे। तिनले केन्द्रको प्रतिनिधि टोलीले पहाड़मा जोरोना जाँचको निम्ति टेस्टिंग ल्याब खोलिदिएको खण्डमा उनीहरूको भ्रमण सफल भएको मान्ने बताउँदै यद्यपि उनीहरूको भ्रमणलाई पनि आफूले सकारात्मक रूपले नै लिएको स्पष्ट पारे।
Camera/ Report
Subash Chhetri (Kerseong)
Edit
Rohan Kulung
8637816394/ 9733161396