Top News - Kush është shumicë në Luginën e Preshevës? ‘Mobilizohen’ shqiptarët për censusin
Pas dy dekadash do të mund të mësohet zyrtarisht numri i shqiptarëve të regjistruar në Serbi. Procesi i regjistrimit të popullsisë në këtë vend ka nisur më 1 tetor dhe do të përfundojë më 31 të këtij muaji. Shqiptarët e kishin bojkotuar regjistrimin e vitit 2011, siç u tha atëherë, për shkak të obligimeve të paplotësuara të shtetit serb ndaj tyre dhe kushteve diskriminuese. Por, këtë radhë, përfaqësuesit politikë të shqiptarëve, që jetojnë kryesisht në pjesën jugore të Serbisë, u kanë bërë thirrje atyre që të regjistrohen.
Janë të shumtë edhe qytetarët që po kthehen nga vendet ku kanë shkuar të jetojnë e punojnë për tu regjistruar në Luginën e Preshevës, atje ku edhe kanë lindur. Shaip Kamberi, deputeti i vetëm shqiptar në Kuvendin e Serbisë, thotë se të drejtën për regjistrim e kanë të gjithë qytetarët që jetojnë në Serbi, si dhe ata që kanë lindur atje, por që tashmë jetojnë në Kosovë ose në diasporë.
Sipas vlerësimeve të bashkësisë ndërkombëtare, në Serbi jetojnë rreth 60 mijë pjesëtarë të pakicës kombëtare shqiptare, kryesisht në komunat Preshevë, Bujanoc dhe Medvegjë, në jug të Serbisë.
Sipas Ligjit për regjistrim në Serbi, qytetarët me vendbanim ose vendqëndrim atje, si dhe të huajt me vendbanim të përhershëm në Serbi janë të detyruar të marrin pjesë në regjistrim dhe të japin përgjigje të sakta dhe të plota për të gjitha pyetjet.
Refuzimi për ta bërë këtë, si dhe ofrimi i të dhënave jo të plota dhe të pasakta shoqërohen me përgjegjësi penale dhe gjobë.
Shqiptarët në Serbi jetojnë kryesisht në Preshevë, Medvegjë e Bujanoc - komuna të njohura bashkërisht si Lugina e Preshevës. Për herë të fundit, ata kanë marrë pjesë në regjistrimin e vitit 2002, i cili është zhvilluar nën monitorimin e Organizatës për Siguri dhe Bashkëpunim në Evropë (OSBE). Shifrat e atij procesi kanë treguar se në Serbi kanë qenë të regjistruar mbi 7.4 milionë qytetarë. Në Luginën e Preshevës, sipas regjistrimit të 2002-ës, kishte 88.966 qytetarë të regjistruar, prej tyre 57.737 shqiptarë, apo 65 për qind. Ndërsa për sa i takon komunave, Presheva kishte atëherë shumicë shqiptare, 90 për qind, ndërsa Bujanoci 55% dhe Medvegja 26%.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: http://top-channel.tv/
Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#Censusii#Presheve