गैर सरकारी संस्था "मुख बन्द काम शुरू"द्वारा मकैबारीको कैलापानीमा खाद्यान्न समाग्री वितरण ...
15२०१७ सालमा स्थापित दार्जिलिङ्गको एउटा गैर सरकारी संस्था"मुख बन्द काम शुरू"द्वारा आज मकैबारी चिया बगानको कैलापानी गाउँको दुईवटा समाज सेवा परिवार अनि किराँत सङ्घका मोठ पचास परिवारलाई आवश्यक खाद्य सामाग्रीहरू वितरण गरियो। हाल कोरोना सङ्क्रमणको कारण सम्पूर्ण चियाबारी बन्द छ अनि त्यहाँका मानिसहरू आर्थिक चपेटमा परेका छन्। यसलाई मध्यनजर राखेर दार्जिलिङ्गको एउटा गैर सरकारी संस्था मुख बन्द काम शुरुले दार्जिलिङ्ग पहाडी क्षेत्रका विभिन्न चिया कमानहरूमा गएर आवश्यक खाद्य सामाग्रीहरू वितरण गर्ने कार्य सम्पन्न गरिरहेको छ। यसै क्रममा आज मकैबारीको कैलापानीमा आएर यसरी आवश्यक खाद्य सामाग्रीहरू वितरण गर्ने कार्य संस्थाका सदस्यहरूले वितरण गरे। सामाग्रीमा विशेषगरी दाल, आलु, खानेतेल, मटर, नून, चाना, पियाज आदि रहेको थियो। यस अवधि संस्थाका प्रमुख राहुल प्रधानले आज विश्वमा दार्जिलिङ्गलाई चियाको माध्यमबाट चिनाउने चिया श्रमिकहरूलाई सम्मान अनि धन्यवाद दिन आफूहरू यो संकटको समय यहाँ आएको बताए। तिनले मुख बन्द काम शुरु संस्थाले शिक्षा,स्वस्थ्य लगायत अन्य विभिन्न क्षेत्रमा गत तीन वर्षदेखि लगातार रूपमा कार्य गरिरहेको अवगत गराए। प्रधानले हाल कोरोना महामारीले गर्दा सम्पूर्ण विश्वलाई नै चिन्तामा पारेको छ अनि यसले भारत देशलाई पनि आफ्नो चपेटामा लिएको छ भन्दै हाम्रो पहाडमा पनि यो भाइरस पसेकोले सबै गाउँ-घरका मानिसहरूलाई पनि सचेत र सजग रहने आग्रह गरे। तिनले यस संस्थाले हालसम्म दार्जिलिङ्ग पहाडका मोठ दशवटा चियाबारीमा पुगेर त्यहाँका मानिसहरूलाई आवश्यक खाद्य सामाग्रीहरू वितरण गरिएको जानकारी पनि दिए। संस्थाका सदस्य लगायत कैलापानी गाउँमा यसरी खाद्य सामाग्री आइपुग्न सहयोग पुर्याउने खरसाङ फाटका डाँडा निवासी तथा रेड रोज युथ क्लबका सचिव सुबोध शर्मालाई सेवा परिवार अनि किराँत सङ्घको पक्षबाट खदा लगाएर स्वागत जनाइयो भने सम्पूर्ण गाउँको पक्षबाट सेवा परिवार सचिव नबिन राईले मुख बन्द काम शुरू संस्थाका सबै सदस्यहरूलाई सहयोगको निम्ति धन्यवाद दिए औ भविष्यमा संस्थालाई कुनै पनि प्रकारको सहयोग चाहिएमा कैलापानी गाउँ सहयोग गर्न तत्पर रहेको बताए।
Camera/ Report
Subash Chhetri (Kerseong)
Edit
Rohan Kulung
8637816394/ 9733161396