हिल्स प्लान्टेशन इम्पोलोइज युनियन अनि मालिक पक्षमाझ बैठक सम्पन्न
2दार्जीलिङ जिल्लाको रिङटन चिया बगानको समस्याहरू लिएर आज हिल्स प्लान्टेशन इम्पोलोइज युनियन अनि मालिक पक्षमाझ बैठक सम्पन्न भयो। दीर्घ दिनदेखि धेरैवटा समस्याहरूको सामना गर्दै आइरहेको उक्त बगानका श्रमिकहरू हाल सक्रिय छन्। गत केही दिन अघि श्रमिक युनियनले बगान प्रबन्धकलाई आफूहरूको समस्याबारे अवगत गराउन एउटा मिटिङको आयोजना गर्ने अनुरोध गरेको थियो। तर प्रबन्धकले सो मिटिङ बगान स्तरमा नगरेर मालिक सङ्घको अधीनमा गर्ने निर्णय लिँदै सिलगढीमा अवस्थित तराई इन्डियन प्लान्टर एसोसिएसनको मुख्य कार्यालयमा डाकेको थियो। आजको बैठकमा युनियनको केन्द्रीय समिति अध्यक्ष बसन्ती तामाङ, उपाध्यक्ष छेवाङ योञ्जन, सचिव आशिष् लामा, सहसचिव सुमेन्द्र तामाङ, रिङटन युनिट अध्यक्ष सुधा, सचिव रुबिना, मार्ग्रेस्टहोप युनिटबाट प्रभा तामाङ लगायत सल्लाकार शमीक साथै कार्यकारिणी सदस्यहरू सुमित देवन, प्रज्ज्वल गजमेर, सुरज हवाल आदि उपस्थित रहेका थिए। यसरी नै प्रबन्धक पक्षबाट तराई इन्डियन प्लान्टर्स एसोसिएसन सचिव एमके मित्र, बगान प्रबन्धक राजेन सुब्बा, सह प्रबन्धक सुधीर तामाङ अनि प्रज्वल प्रधान उपस्थित थिए।