भोलेन्टियर शिक्षक भेरिफिकेसनलगायत विविध समस्या विषयमा डीआईलाई ज्ञापन......
14भोलेन्टियर शिक्षक भेरिफिकेसनलगायत विविध समस्या विषयमा डीआईलाई ज्ञापन....
जीटीए क्षेत्रका विभिन्न सरकारी विद्यालयहरुमा भइरहेको भोलेन्टियर शिक्षक भेरिफिकेसनलगायत स्कुलका अन्य विविध समस्या विषयमा बुधवार वेस्ट बेंगल तृणमूल सेकेन्डरी टिचर्स एसोसिएसन, कालेबुङ जिल्ला कमिटीद्वारा कालेबुङ डीआईलाई ज्ञापन दिइयो। जिल्ला कमिटी संयोजक दिनेश शर्मा , संयुक्त संयोजक सीपी खतिवाडा, जिल्ला कोर कमिटी सदस्य विजय तामाङ, स्यामुयल किरण सिंह आदिको अगुवाइमा गएको प्रतिनिधि टोलीमा कालेबुङ जिल्लाभरिका विभिन्न सरकारी विद्यालयहरुको प्रतिनिधिहरुको सहभागिता रहेको थियो।डीआईलाई बुझाइएको ज्ञापनको एक नम्बर बुँदामा अहिले जीटीए क्षेत्र भइरहेको भोलेन्टियर शिक्षक भेरिफिकेसन अबैद्ध रहेको तथा यसलाई रद्द गरिनुपर्ने माग गरिएको छ। यसलाई रद्द गरेर सिस्टमेटिक ढंगले नयाँ भेरिफिकेशन गरिनुपर्छ। त्यसरी नै सोही बुँदामा वर्षौदेखि सेवारत भोलेन्टियर शिक्षक शिक्षिकालाई भने विभागले सही जाँच गरेर स्थायी गर्नुपर्ने माग राखेको छ। यसबाहेक 2017 देखि 2019 सम्म नियुक्ति पाउने शिक्षक शिक्षिकाको पोस्ट सुनिश्चित गरिनुपर्ने, टीआईसीहरुलाई प्रधानाध्यापकको पदमा बढोत्तरी गरिनुपर्ने, स्कुल बढोत्तरी भएर पनि ग्रुप सी र डी पोस्ट सेन्शन नभएको जानकारी गराउँदै अबिलम्ब सेन्शन गरेर नियुक्ति गरिनुपर्ने, जीटीए क्षेत्रमा सरकारी विद्यालयहरुमा एमसीको प्रेसिडेन्ट पार्टीले मनोनित गरेको छ त्यसलाई रद्द गरेर नियमअनुसार एमसीकै सदस्यलाई बनाइनु आदि मुख्य रहेका छन्।ज्ञापन बुझाइसकेपछि पत्रकारहरुसित कुराकानी गर्दै संयोजक शर्माले यी सम्पूर्ण विषयमा जानकारी गराउन एक प्रतिनिधि टोलीले 30 दिसम्बरको दिन कलकत्तामा शिक्षामन्त्री पार्थ चटर्जीलाई भेट गर्नेछ र विस्तृत रुपमा चर्चा गरिनेछ। शिक्षा मन्त्रीसितको भेटको निम्ति अपोइन्टमेन्ट पनि मिलाइसकेको शर्माले जानकारी दिए।शिक्षा जस्तो संवेदनशील विषयमाथि पहाडमा खेलबाड गरिरहेकोमा गम्भीर चिन्ता प्रकट गर्दै तिनले संगठनको पक्षबाट घोर भत्सर्ना जनाए। पहाडको वर्तमान शिक्षा व्यवस्था विषयमा कलकत्तामा मन्त्रीलाई सविस्तार जानकारी गराउने तिनले बताए। आज पनि पहाडमा कति पीडित भोलेन्टियर शिक्षकहरु रहेको जनाउँदै तिनीहरुलाई न्याय दिने काम संगठनले गर्ने प्रतिश्रुति दिँदै यसको निम्ति संगठनसित सम्पर्क गर्न सुझाव पनि दिए।
Edit
Rohan Kulung
8637816394/9733161396