लङ्भ्यू हस्पिटल लाईनका युवाहरूद्वारा आवश्यकीय खाद्य सामाग्री वितरण ...
10देश लकडाउनको कारण हाम्रा धेरै युवाहरू कोही दिनभरि कोही मोबाईलमा गेम खेलेर त कोही विभिन्न सामाजिक संजालहरुतिर व्यस्त होलान् त कोही युवाहरु टिभी हेरेर दिन बिताई रहेका होलान् तर लङ्भ्यू चियाबारी अन्तर्गत हस्पिटल लाईनका केही युवाहरूले आफ्नै पैसाले खाद्य सामाग्रीहरू किनेर ल्याई स्थानीय लगायत वरपरका गाउँका मानिसहरूलाई वितरण गरे। बन्दाखेती प्राथमिक पाठशाला प्राङ्गणमा पूर्ण सोसियल डिस्टेन्सलाई मध्य नजर गरेर उक्त सामाग्रीहरू वितरण गरे। यस सन्दर्भमा शुभम गदालले बताए अनुसार तिनीहरूको छ जनाको एउटा समूह छ। जसमा तिनी लगायत मनु लामगादे,प्रयास लामगादे,अविनाश पाख्रीन, हाल दुबईमा रहेको राजीब छेत्री अनि बेङ्गलोरमा रहेको सिद्धान्त छेत्री छन्। तिनीहरूले अर्थ सङ्ग्रह गरी जसकोमा खाद्यान्नको अभाव छ तिनीहरूलाई खाद्य सामाग्री लगायत हात धुनको निम्ति डिटेल साबुन वितरण गरेको जनाए। तिनले लङ्भ्यू चिया बगान यसअघि धेरै महिना बन्द थियो। भरखरै मात्र चिया बगान खोलिए तापनि मानिसहरूको दैनिक स्थितिमा सुधार आएको थिएन। फेरि लगत्तै कोरोना भाईरसको कारण देशव्यापी लकडाउन भएपछि अझ यहाँका मानिसहरूको स्थिति बिग्रिएर गइरहेछ। यसै विषयलाई मध्यनजर राखेर हामी युवाहरूले मिलेर केही राहत सामाग्रीहरू वितरण गरेका हौँ भनी जनाए। तिनीहरूले आज यहाँ पैंतिसभन्दा धेर घरलाई खाद्य सामाग्री वितरण गरे भने यहाँ आउन नसकेकाहरूलाई घरमानै सामाग्रीहरू लगिदिएको थप जानकारी पनि शुभमले बताए। यसरी युवाहरूले मिलेर गाउँका असाहय मानिसहरूलाई खाद्य सामाग्रीहरू वितरण गरेकोमा स्थानीय मानिसहरूले युवाहरूलाई धन्यवाद दिए।
Camera/ Report
Subash Chhetri (Kerseong)
Edit
Lenin Rai Kulung
8637816394/ 9733161396