ईन्टरनेशनल हन्ड्रेट माइल स्टेज रेसको माने भञ्ज्याङ् रेस पोइन्टमा समापन ...
1ईन्टरनेशनल हन्ड्रेट माइल स्टेज रेसको माने भञ्ज्याङ् रेस पोइन्टमा समापन ...
माने भञ्ज्याङ्, 2 नोभेम्बर (दीप मिलन प्रधान) ;
ईन्टरनेशनल हन्ड्रेट माइल स्टेज रेसको आज माने भञ्ज्याङ् रेस पोइन्टमा समापन भयो। देशबिदेशका २१ धावकहरुले भाग लिएको एक सौ माइलको दौड अवधी सिहलिला राष्ट्रिय उधान क्षेत्रको विभिन्न क्षेत्रको दौड लगाउदै स्थानीय नागरिकहरुलाई पर्यावरण संरक्षण/ प्रबर्द्धन अनि प्रदुषणमुक्त परिवेश सृजना गर्ने विशेषमा जागरुक गराए। धावकहरुले १३ हजार फिट उचाईमा दौड लगाउदै बिश्वका पाँच सर्वाधिक उच्च हिमालयको दृश्यवलोकन सहित बन्य प्राणी, प्राकृतिक सुन्दरतालाई नजीकबाट अवलोकन गर्ने अवसर प्राप्त गरे। बिश्वकै सर्वाधिक साहसिक दौडको रुपमा परिचित यस दौड प्रतियोगितामा पुरुषबर्गमा अमेरिकाका - ट्रेवर पिटर प्रथम ,एन्थोनी होब्स- युके- दोस्रो र अमेरिका का नेथोनियल डिरभिन तेस्रो भए ।यसरीनै महिला बर्गमा टेरि फिल अमेरिका- प्रथम ,एन वेड युके - दोस्रो र अमेरिकाका एमि कोष्टा तेस्रो भईन् ।सन् १९९१ साल देखि शुरु भएको यस अन्तर्राष्ट्रिय दौडले आज ३२ बर्ष टेकेको छ। रेस निर्देशक सिएस पाण्डेले आफुले यतिका लामा समय सम्म दौडको आयोजना गर्न पाउनु दार्जीलिङ पहाडको महाकाल बाबाको आशिर्वाद र दार्जीलिङका नागरिकहरुको अगाध माया र सहयोगलाई भुल्न नसकिने धारणा व्यक्त गर्नुहुदै आगामी बर्ष पनि अझ उत्कृष्ट रुपमा दौडको आयोजना गरिने बताए । उनले सिहलिला हिमालय क्षेत्र देशको मात्र नभएर बिश्वकै सम्पदा भएकोले यस क्षेत्रलाई प्लास्टिक पोलिथिन तथा फोहोरमुक्त राख्न स्थानीय नागरिकबर्ग , स्थानीय प्रशासन , पत्रकारबर्ग, अनि सचेत नागरिकहरु जागरुक हुनपर्ने कुरामा जोड दिए। प्रतियोगिता समापन अवधी स्थानीय प्राथमिक पाठशालाका बिद्यार्थीहरुले धावकहरुलाई राष्ट्रिय झन्डाको साथमा स्वागत जनाएका थिए भने स्थानीय नागरिकहरुले धावकहरुलाई प्रोत्साहित गरेका थिए।