जीटीए रद्द गरिनुपर्ने माग गरिरहेको विषयविरूद्ध गोजमुमोद्वारा पोस्टरिङ .....
4भाजपालगायत केही राजनीतिक दलहरूले जीटीए रद्द गरिनुपर्ने माग गरिरहेको विषयविरूद्ध गोजमुमो 43 नम्बर समष्टिले गोरूबथानका विभिन्न क्षेत्रहरूमा पोस्टरिङ गरेको छ। जोनल एक सभापति अजय प्रधानको अगुवाइमा पार्टी कार्यकर्ताहरूले सोमबारे बजार, मालबस्ती, अम्बियोक चियाबारी, मिशनहिल, लोवर फागु, गोरूबथान टार आदि स्थानहरूमा पोस्टरिङ गर्दै जीटीए रद्द गरिनुपर्छ भन्ने राजनीतिक दलहरूलाई कडा सन्देश दिएको छ। गोर्खाल्याण्डको निम्ति जीटीए बाधा हो भनेर भाजपालगायत पहाडका केही राजनीतिक दलहरूले स्थानीय मानिसहरूलाई भ्रममा पारेको आरोप लगाउँदै भाजपालगायत ती संगठानहरू जसले जीटीएको विरोध गरिरहेका छन् वास्तवमा तिनीहरू जीटीएमाथि राल चुहाइरहेको गोजमुमोले आरोप लगाएको छ। हालैमा केन्द्र सरकारले लदाखलाई कसरी केन्द्र शासित राज्य बनायो भन्ने विषय अघि राख्दै यदि केन्द्र सरकारको इच्छाशक्ति भए क्षेत्रीय व्यवस्था केही होइन भन्दै यदि केन्द्रले चाहे जीटीएलाई नाघेर युटी वा गोर्खाल्याड गठन गर्न सक्ने बताए। अहिलेका जनता 86 र 2007 को जस्तो होइन भन्दै भाजपालगायतका राजनीतिक दलहरूको नौटंकी विषयमा पहाडबासी सचेत रहेको गोजमुमोले जनाएको छ। तीनपल्टसम्म पहाडका जनताले भाजपालाई जिताएर पठाइसक्दा पनि गोर्खा जातिको निम्ति केही कार्य नभएको जनाउँदै भाजपाले गोर्खाहरूको शताब्दी पुरानो सपना गोर्खाल्याण्डमाथि ग सम्म पनि उच्चारण नगरेको बताएको छ। जीटीए रद्द गर्नु, जीटीए गोर्खाल्याण्डको निम्ति बाधा हो भन्नु हाँस्यस्पद रहेको बताउँदै विकाश र रोजगारको व्यवस्था गर्न नसक्नेहरू सत्ता हत्याउने लोभमा पालगसरह भएको उल्लेख गरिएको छ। जीटीएमार्फत पहाडमा विकाशसितै रोजगारको अवसरहरू सृजना भइरहेको विषय पहाडबासी अघि छर्लङग भएको बताउँदै भाजपाजस्तो नौटंकी गर्ने राजनीतिक दलहरूसित पहाडका जनता सतर्क रहनुपर्ने आह्वान गरिएको छ।
Edit
Rohan Kulung
8637816394/ 9733161396