अप्परफागु चियाबारी गोदाम लाइनमा कञ्चनजंगा बाल संघद्वारा २०६ औं भानु जयन्ती पालन ...
7अप्परफागु चियाबारी गोदाम लाइनमा अनुज्ञालय संस्थाद्वारा सञ्चालित कञ्चनजंगा बाल संघको तत्त्वधानमा २०६ औं भानु जयन्ती पालन गरियो । ज्ञानबहादुर गुरुङको सभापतित्त्वमा सम्पन्न उक्त कार्यक्रममा प्रमुख अतिथिका रूपमा अप्पर फागु चियाबारीका प्रबन्धक एलके सोताङ उपस्थित थिए। भानुभक्तको तस्वीरमा दीप प्रज्वलन साथै खदा अर्पणपछि शुरु भएको कार्यक्रममा स्वागत संभाषण संघका सदस्य अङ्किता राईले राखिन्। प्रियङ्का प्रधानद्नारा सञ्चालित कार्यक्रममा आदिकवि भानुभक्त आचार्यको जीवनी तथा भानु जयन्तीको औचित्यबारे उत्तर बङ्ग विश्वविद्यालयका शोधार्थी आशिष तामङले राखे भने रामायण पाठ प्रभुराम प्रधानले गरेका थिए। पर्यावरणलाई ध्यानमा राख्दै मुख्य अतिथिलगायत अन्य अतिथिहरुलाई मालारपणको साटो भेटस्वरूप फूलका बिरुवा प्रदान गरियो।उक्त कार्यक्रमलाई प्रमुख अतिथि एलके सोताङले कार्यक्रम सफल भएको मन्तव्य राख्दै आगामी दिनहरूमा नानीहरूले यसभन्दा ठुल्ठुला कार्यक्रम गर्न सकुन भन्ने कामना व्यक्त गरे। यसरी नै संबोधनको क्रममा अनुज्ञालय संस्थाका बाल अधिकार तथा सुरक्षाअधिकारी तेजकुमार थापाले बाल अधिकार तथा सुरक्षाबारे प्रकाश पारे भने अप्परफागु प्राथमिक पाठशालाका शिक्षक सुमन ताणङले भानुभक्तबारे थप कुरा राखे। विद्यार्थी नानीहरूद्वारा कविता वाचन, गीत र नृत्य प्रस्तुत गरिएको कार्यक्रममा धन्यवाद ज्ञापन संघका सदस्य स्मृति छेत्रीले दिइन्। यस संघद्वारा प्रथमचोटि आयोजित कार्यक्रममा कविता वाचन,गीत तथा नृत्य प्रस्तुत गर्ने विद्यार्थीहरूलाई प्रमुख अतिथि तथा समारोह सभापतिको बाहुलीबाट स्मारिका प्रदान गरियो। उक्त कार्यक्रममा चन्द्र बहादुर गुरुङ, टेक बहादुर छेत्री, सनम प्रधान, प्रदेश राई, पञ्चवीर राई, राजु प्रधान, सुमन प्रधान, जीवन स्याङ्देन, दीप कुमार तामाङ, दीपक प्रधान, सुजता लामा,रीता गुरुङ, मिना गुरुङ, अलिसा लामा आदि उपस्थित थिए।
Edit
Rohan Kulung
8637816394/ 9733161396.