गोरुबथानमा कोरोना सङ्क्रमित 53 वर्षीय महिलाको मृत्युपछि क्षेत्रमा सेनिटाइज गर्दै ...
50गोरुबथानमा कोरोना सङ्क्रमित 53 वर्षीय महिलाको मृत्यु भएको जानकारी प्राप्त भएको छ। प्राप्त जानकारी अनुसार उक्त महिलाको मृत्यु सोमबार बिहान करिब 5 बजे भएको थियो। बिहारको सिवान जिल्ला अन्तर्गत मगराज गंज मूल घर रहेको उक्त महिला केही वर्षअघि आफ्ना परिवारसंग गोरुबथानमा आएर दैनिक मजदुरी गरेर यहाको सोमबारे बजार उत्तरमा बसोबासो गर्दै आइरहेका थिए। परिवारसुत्रले बताए अनुसार उक्त महिला केहीदिन अघिदेखि ज्वरो, सुगर, दम आदि विमारले थला परेकी थिइन् भने आइतबार उनलाई माल अस्पतालमा भर्ना गरिएको थियो। माल अस्पतालले पनि उनको स्वास्थ्य ठीक नहुदा जलपाइगडीस्थित कोविद अस्पतालमा रेफर गरिदिएको थियो भने त्यहाबाट पनि सिलीगडी मेडिकल कलेजमा रेफर गरिदिएको परिवार सुत्रले बताएको छ। यसरी जलपाइगडीदेखि सिलीगडी मेडिकल कलेज लैजानेक्रममा बाटोमै उनको मृत्यु भएको सुत्रले बताएको छ। उनको मृत शरीरको टेस्ट गरेपछि कोरोना पोजेटिभ पाइएको पनि हस्पिटल सुत्रद्वारा थाहा लागेको छ। मृतक महिलामा कोरोना पोजेटिभ पाइएकोले उनको मृत शरीरलाई विभागले परिवार पक्षलाई दिएनन्। मृतक महिलाका पति, छोरा अनि छोरीलाई भोलि गोरुबथान स्वास्थ्य केन्द्रद्वारा स्वाब टेस्ट गरिने भएको छ भने हाल उनीहरुलाई क्वाराइण्टाइन सेन्टरमा राखिएको जानकारी प्राप्त भएको छ। अर्कोतिर, गोरुबथान ग्राम पंचायत एकद्वारा मृतक बस्दै आइरहेको घर वरिपरि सेनिटाइज गरियो भने भोलि पनि बजार क्षेत्रमा सेनिटाइज गरिने भएको छ। यस विषयमा गोरुबथान खण्ड विकाश अधिकारी विश्वरंजन चक्रवर्तीसंग जान्न चाहँदा उनले ग्राम पंचायत कर्मचारीहरुलाई उक्त क्षेत्रको भ्रमण गरेर सम्पूर्ण रिपोर्ट तयार पार्ने अनि सो क्षेत्रमा सेनिटाइज गर्ने निर्देश दिएको बताए। यसकासाथै गोरुबथान पुलिसले उक्त क्षेत्रमा नजर राखिरहेको अनि मानिसहरुलाई आवजाउको निम्ति कन्ट्रोल गरिरहेको पनि बताए। समाचार लेखुञ्जेलसम्म उक्त क्षेत्रलाई विभागद्वारा कन्टेनमेन्ट जोन घोषणा गरिएको छैन। यसको निम्ति खण्ड विकाश कार्यालयबाट कमप्लिट रिपोर्ट पठाइसकेको पनि बीडीओ चक्रवर्तीले बताए। यसको निम्ति जिल्ला शासक कार्यालयबाट कुनै खबर नआएको पनि बताएका छन्। यसरी कोरोना सङ्क्रमित महिलाको मृत्युको खबर बजारमा फैलिनसाथ बजार क्षेत्रका सम्पूर्ण दोकानपाट पूर्ण रुपमा बन्द गरियो। यसै कोविद 19 भाइरसको कारण छ हप्ता बन्द गरिएको यहाको साप्ताहिक सोमबारे हाट हिजदेखि लगाउन शुरु गरिएको थियो भने यस घटनाले गर्दा पुन: हाट केही दिनको निम्ति बन्द गरिनु पर्ने स्थानीय मानिसहरुको भनाइ रहेको छ। स्मरण रहोस्, अहिलेसम्ममा गोरुबथान खण्डमा मोठ 33 जना कोरोना पोजेटिभ रहेको छ भने 31 जना नेगेटिभ भएर घर फर्किसकेका छन्, एकजना आइसोलेसनमा अनि एक जनाको मृत्यु भइसकेको पनि स्वास्थ्य विभाग सुत्रले बताएको छ।
Report
Lenin Rai
Camera/ Edit
Rohan Kulung
8637816394/ 9733161396.