गोरूबथान आगनवाडी कर्मचारी एवं सहायक कल्याण समिति गठन ...
23गोरूबथान आगनवाडी कर्मचारी एवं सहायक कल्याण समिति गठन भएको जानकारी प्राप्त भएको छ। गोर्खा जनमुक्ति मोर्चा 43 नम्बर समष्टि जोन एकका सभापति अजय प्रधानको विशेष उपस्थितिमा मालबस्तीमा सम्पन्न सभामा उक्त समिति गठन भएको जानकारी प्रचार प्रसार सचिव ताबरस हैदर अलीले दिएका छन्। नवगठित कमिटीमा सभापति समिना सुब्बा, उप-सभापति संगीता राई र ज्योति तिर्की, सचिव पुनम तामाङ, सह-सचिव सरिता छेत्री (दाहाल) र आग्नेश लेप्चा, कोषाध्यक्ष मधु लामा र कल्याण थापा साथै गोरूबथान कुमाई जलढाका महकुमा समितिमा गोरूबथान एक ग्राम पंचायतबाट मेनुका राई, आहालेबाट संगीता छेत्री अनि दालीमबाट पुनम राईलाई चयन गरिएको छ। उक्त सभामा आगनवाडी कर्मचारीहरूले भोग्दै आएको विविध समस्याहरू जस्तै मासिक वेतन वृद्धि, पद बढोत्तरी, रिक्त स्थानमा नियुक्ति, भवन निर्माण आदिबारे चर्चा गरियो भने जोन एकका सभापति प्रधानले सम्पूर्ण आगनवाडी कर्मचारीहरुको पक्षमा रहेर उनीहरुको समस्याको समाधानार्थ पहल गरिदिने आश्वाशन दिए। जोन एकका सचिव रबिन प्रधानद्वारा संचालित उक्त सभामा गोरूबथान कुमाई जलढाका महकुमा समिति सांगठनीक सचिव सनम थापा, कोर कमिटि सदस्य ओम प्रकाश कार्की, समष्टि नारी मोर्चा सचिव अनिमा लामा आदिले सम्बोधन गरेका थिए। उक्त सभामा नारी मोर्चा कार्यकारीणी सदस्य मन्जु प्रधान, सुचित्रा रोय, युवा मोर्चा कार्यलय सचिव उदय प्रधान, जिल्ला समिति सदस्य डीबी भुजेल आदि विशेष रुपमा उपस्थित थिए ।
Edit
Rohan Kulung
8637816394/ 9733161396.