गोजमुमो गोरूबथान जोनल एकद्वारा पोस्टरिङ ...
7सांसद राजु विष्टले संसदमा दिएको वक्तव्यको विरोधमा गोरूबथान जोनल एक गोजमुमोद्वारा सोमबारे बजारमा पोस्टरिङ गरियो। गोर्खा जातिको एउटै माग गोर्खाल्याण्ड रहेको बताउँदै सांसद राजु विष्टले आफ्नो अडान स्पष्ट पार्नुपर्ने पोस्टरमा जनाएको छ। सांसद विष्टले दोधारे कुरा गरिरहेको बताउँदै गोर्खा जातिलाई बोडोहरूलाई जस्तो भुल्याउन नहुने बताइएको छ। पोस्टरिङबारे बोल्दै जोनल एक सभापति अजय प्रधानले गोर्खा जातिको दीर्घदेखिको माग छुट्टै राज्य गोर्खाल्याण्ड रहेको बताउँदै सांसद विष्टले संसदमा राखेको दोधारे वक्तव्यको तिनले विरोध जनाए। बोडोहरूलाई जस्तै गोर्खाहरूलाई केन्द्र सरकारले भड्खालोमा पार्न नहुने बताउँदै केन्द्र सरकारले यदि गोर्खा जातिलाई दिन्छ भने छुट्टै राज्य दिनुपर्ने प्रधानले बताए। पोस्टरिङ कार्यमा पार्टीका विभिन्न पदाधिकारी, युमो, विमोका सदस्यहरू, नारी मोर्चा, डीटीडीपीएलयु अनि शिक्षक संगठनका प्रतिनिधिहरूको पनि सहभागिता रहेको थियो।
Camera
Tabras Haidar Ali
Edit
Rohan Kulung
8637816394/ 9733161396