अप्पर फागु स्पोर्ट्स एण्ड कल्चरल एसोसिएशनको आयोजनमा नर्थ बेङ्गल स्तरीय भलिवल प्रतियोगिता शुरु ...
17अप्पर फागु स्पोर्ट्स एण्ड कल्चरल एसोसिएशनको आयोजनमा शनिवारदेखि दुइ दिने नर्थ बेङ्गल स्तरीय भलिवल प्रतियोगिता शुरु भयो। प्रतियोगिताको पहिलो दिन जम्मा नौवटा दलहरू क्रमैले कालेबुङ, पत्थरझोडा, गोरूबथान, सिक्किम, सिलगढी, आर्मी 18 इञ्जिनियरिङ, कालेबुङ होम्स युनिट, कुमाई टीई, अलिपुरद्वारको दलले सहभागिता जनाएका थिए। जसमा गोरूबथानको टोली क्वाटर फाइनलमा प्रवेश गर्यो। भोलि म्याचको प्रिक्वाटरदेखि फाइनल खेलसम्म सम्पन्न हुनेछ। प्रतियोगितामा विजेता बन्ने टोलीलाई 30 हजार नगद अनि आकर्षक ट्रफी तथा उपविजेता दललाई ट्रफीसितै 20 हजार नगद प्रदान गरिनेछ। त्यसरी नै तेस्रो स्थानमा आउने टोलीलाई ट्रफी दिइने आयोजक समितिका सचिव रतन थापाले बताएका छन्। 23 फरवरी अप्पर फागु स्पोर्ट्स एण्ड कल्चरल एसोसिएशनको स्थापना दिवस पनि रहेकोले भलिवल प्रतियोगिता आयोजन गरिएको थापाले बताए। भोलि हुने फाइनल खेल तथा एसोसिएशनको स्थापना दिवसको अवसरमा भवन निर्माणमा सहयोग पुराउने दाताहरूलाई सम्मान जनाइने कार्यक्रम रहेको छ। एसोसिएशनका सभापति एलके सोताङको अध्यक्षतामा सम्पन्न उद्घाटन म्याचमा साई लेबोङका प्रभारी केशव प्रधान मुख्य अतिथिको रूपमा उपस्थित थिए। त्यसरी नै थुप्देन भोटिया (लाभा), ओमप्रकाश कार्की, प्रितम चामलिङ, अनिश राणा, सूर्यमणि राई, मेघनाथ राई, ताबरज हैदर, डीबी गुरुङ, आशिष राई आदि अतिथिको रूपमा उपस्थित थिए। ट्रफी दाता सार्जन राणा अनि इन्डिभिजल दाता प्रितम चामलिङ अनि असिम राई रहेका छन्। कार्यक्रमको संचालन रतन थापा अनि असिम राईले गरेका थिए।
Camera
Gourav Kulung
Edit
Lenin Rai
8637816394/ 9733161396