युनाइटेड सिलगढी अनि सन्त जोसेफ स्कूल गीडाब्लिङ च्याम्पियन ...
28अप्पर फागु स्पोर्टस एण्ड कल्चरल एसोसिएशनको आयोजनमा सम्पन्न अण्डर 15 नगद राशि नकआउट फुटबल टुर्नामेन्टअन्तर्गत मंगलवार खेलिएको फाइनल खेलमा सन्त जोसेफ स्कूल गीडाब्लिङले ग्रीनभेल स्कूल गोरूबथानलाई 4-1 को अन्तरले पराजित गर्दै च्याम्पियन बन्यो। खेलमा उत्कृष्ट प्रदर्शन गर्ने उपविजेता दलका खेलाडी राज राईलाई म्यान अफ् द म्याच चयन गरियो। त्यसरी नै महिलावर्गमा युनाइटेड गर्ल्स एफसी सिलगढीले ट्राइब्रेकरमा स्पोर्ट्स क्लब गोरूबथानलाई पराजित गरेर च्याम्पियन ट्रफी आफ्नो झोलीमा हाल्न सफल बन्यो। म्याचमा उत्कृष्ट खेल प्रदर्शन गर्ने विजेता दलकी खेलाडी निरू तिर्कीलाई म्यान अफ् द म्याच चयन गरियो। अण्डर 15 नकआउट टुर्नामेन्टको विजेता अनि उपविजेता दललाई प्रदान गरिएको ट्रफी स्व. श्रीमाया प्रधानको स्मृतिमा छोरो भीम प्रधानले अनि महिलावर्गको विजेता अनि उपविजेता ट्रफी पिता स्व. कर्णबहादुर सुनाम र आमा स्व. गंगामाया सुनामको स्मृतिमा अशोक सुनामले उपलब्ध गराएका थिए। फाइनल खेलमा रेफ्रीको भूमिकामा राजु घिमिरे, अशोक रोय, राजेश थापा, देवान राई, दिवस शर्मा रहेका थिए। आयोजक समितिका सभापति एलके सोताङको अध्यक्षतामा सम्पन्न कार्यक्रममा कमल राणा मुख्य अतिथिको रूपमा उपस्थित थिए। त्यसरी नै विशिष्ट अतिथिहरूमा ओमप्रकाश कार्की, अतिथिहरूमा सितम मोक्तान, डीबी सार्की, जीबी गुरुङ, पीबी राई, डीबी गुरुङ, प्रितम चामलिङ, सुमन तामाङ, पंचकुमार राई, एसआई सीबी भुजेल, ताबरज हैदर अली, जोन ब्रिटो ब्यानर्जी, समिर राई, जीवन राई आदि उपस्थित थिए। कार्यक्रमलाई सफल बनाउन सहयोग पुराउने सम्पूर्ण दाता, सहयोगी तथा सहभागी टोलीहरूप्रति आयोजक कमिटीका सचिव रतन थापाले आभार प्रकट गरे।
Camera
Lenin Rai/ Rohan Kulung
Edit
8637816394/ 9733161396