भेटरेन खेलको फाइनलमा गीतडाब्लिङ अनि गोरूबथान स्पोर्टस क्लब ....
10अप्पर फागु स्पोर्ट्स अनि कल्चरल एसोसिएशनको आयोजनमा चलिरहेको कमानसिंग गुरुङ स्मृति विजेता नगद राशि अनि सुजित राई स्मृति उपविजेता नकआउट फुटबल टुर्नामेन्टअन्तर्गत खेलिएको भेटरेन खेलको सेमिफाइनल म्याचमा गीतडाब्लिङ अनि गोरूबथान स्पोर्टस क्लब फाइनलमा प्रवेश गरेको छ। पहिलो सेमिफाइनल खेलमा गीतडाब्लिङले गोरूबथान प्रेस क्लबलाई 4-1 ले पराजित गर्यो भने दोस्रो खेलमा गोरूबथान रेफ्री एसोसिएशनलाई गोरूबथान स्पोर्टस क्लबले 4-0 ले पराजित गरेर फाइनलमा प्रवेश गरेको छ। 13 अक्टोबरको दिन खेलिने फाइनल खेलमा गीतडाब्लिङ अनि गोरूबथान स्पोर्टस क्लबमाझ खिताबी भिडन्त हुनेछ। भेटरेन खेलअन्तर्गत खेलिएको दुइवटा म्याचमा गोरूबथान प्रेस क्लबका खेलाडी दिलचन्द प्रधानलाई उत्कृष्ट खेलको निम्ति म्यान अफ् दि म्याच चयन गरियो। पहिलो खेलमा अशोक रोय, दिवस शर्मा, हेमकुमार राई अनि दोस्रो खेलमा राजु गुरुङ, एन्ड्रु लेप्चा, कमल राई रेफ्रीको भूमिकामा रहेका थिए। कार्यक्रममा साई लेबोङका सहनिदेशक केशव प्रधान मुख्य अतिथि थिए भने कमल राणा, सुभराज सुब्बा, भीम प्रधान आदिको विशेष उपस्थिति रहेको थियो।
Camera
Rohan Kulung
Edit
Lenin Rai
8637816394/ 9733161396