अप्पर फागुस्थित दिपंकर छोर्तेनमा आगामी 10 नोभेम्बरदेखि तीन दिने डुजोम ठोइमाको पुजा हुने ...
25अप्पर फागुस्थित दिपंकर छोर्तेनमा आगामी 10 नोभेम्बरदेखि 12 नोभेम्बरसम्म तीन दिने क्रोधी कालीको पुजा ( डुजोम ठोइमा) हुने भएको छ। अप्पर फागुस्थित प्राथमिक पाठशालामा गोरूबथान, सिलगढी, जलपाइगढी, खरसाङ, पेदोङ आदि स्थानका प्रतिनिधिहरूलाई लिएर बसिएको सभामा उक्त प्रस्ताव लिइएको विराज तामाङले जनाएका छन्। यसको निम्ति कमिटी पनि गठन गरियो। जसमा संयोजक सृजना लोप्चन र सत्येन लामालाई चयन गरियो भने सरण गुरुङ अनि विराज तामाङलाई पनि जिम्मेवारी दिइएको छ। तीन दिने पुजामा रिम्पोछे दिङ्गसे कुनजाङ जिग्मी नाम्ग्येल उपस्थित रहनेछन्। पुजामा 100 भन्दा बढीले भाग लिनेछन्। सभामा गोपाल योञ्जन, प्रकाश मोक्तान, सुमन तामाङ, विराज तामाङ, राजेन गुरुङ, पीबी गुरुङ आदिको विशेष उपस्थिति रहेको थियो। स्मरण रहोस् दिपंकर छोर्तेनमा विगत धेरै वर्ष अघिदेखि ठोइमा पुजा गरिँदै आइरहेको छ। यसपल्टको पुजामा स्थानीयलगायत बाहिरका भक्तजन उपस्थित भएर आध्यात्मिक लाभ उठाउन कमिटीले आह्वान गरेको छ।
Camera/ Edit
Lenin Rai
8637816394/ 9733161396