युवा कवि विकाश राईको मुक्तक संग्रह डल्लीको लोकार्पण ...
28युवा कवि विकाश राईको डल्ली नामक मुक्तक संग्रह मकर संक्रान्तीको छेक पारेर बुधवार एक कार्यक्रमबीच लोकार्पण गरियो। सनराईजिङ वेलफेयर क्लबकको आयोजनमा तथा पूर्वशिक्षक गोपाल योञ्जनको अध्यक्षतामा ढिपडाँडा सामुदायिक भवनमा सम्पन्न कार्यक्रममा उपस्थित अतिथिहरूको बाहुलीबाट मुक्तक संग्रह डल्लीको विधिवत लोकार्पण गरियो। यस अवसरमा गोरूबथान सरकारी महाविद्यालयका प्राध्यापक डा. सोनाम शेर्पा मुख्य अतिथिको रूपमा उपस्थित थिए। त्यसरी नै साझा साहित्य संरक्षण संस्थाका सभापति तरूण राई, कवि अशोक विश्व, राष्ट्रिय पुरस्कार प्रापक डीबी सार्की, राजेन ब्लोन आदि विशिष्ट अतिथिको रूपमा उपस्थित थिए। भगत कुलुङले स्वागत सम्बोधन राखेको कार्यक्रमलाई तरूण राई, अशोक विश्व, रचनाकार आदिले सम्बोधन गरेका थिए। भूपेन गराइली अनि योगेश राईद्वारा संयुक्त रूपमा संचालित कार्यक्रममा नब्य छेत्री, सुलभी राई, रोहिनी राई आदिले नृत्य अनि महेश्वर प्रधान, रिकाश तामाङ, पवित्र सुन्दासले कविता वाचन गरेका थिए भने दिपक सुन्दासद्वारा गीत प्रस्तुत गरिएको थियो। कार्यक्रमलाई सम्बोधन गर्दै रचनाकार राईले पुस्तक प्रकाशनको निम्ति सहयोग गर्ने महानुभवहरूलाई आभार प्रकट गरे।
Camera
Rustam Sharma/ Yogesh Bachana
Edit
Lenin Rai
8637816394/ 9733161396