युवा मोर्चा 43 नम्बर समष्टिको सांगठानिक सभा ....

Channel:

Hello Web 24

Subscribers:

20,800

Published on September 7, 2019 2:34:06 PM ● Video Link: https://www.youtube.com/watch?v=Fp1RfDcvG6Y

Duration: 7:12

237 views

9

युवा मोर्चा 43 नम्बर समष्टिको सांगठानिक सभा शुक्रवार समष्टि पार्टी कार्यालयमा सम्पन्न भयो। जोनल एक सभापति दिपक कार्कीको अध्यक्षतामा सम्पन्न सभामा युमो केन्द्रिय समिति उपाध्यक्ष तथा कालेबुङ जिल्ला समिति कार्यकारी अध्यक्ष बारूद थापा मुख्य अतिथिको रूपमा उपस्थित थिए। 43 नम्बर समष्टि जोनल एक अनि दुइका युमो पदाधिकारीसितै विभिन्न शाखा-प्रशाखाका कार्यकर्ताहरूलाई लिएर आयोजन गरिएको सभालाई मुख्य वक्ताको रूपमा उपस्थित थापाले सम्बोधन गर्दै सभा गरिनुको औचित्यबारे जानकारी गराए। पार्टीले संगठनलाई नयाँ ढाँचामा पुनर्गठन गर्ने कार्यलाई गति दिइरहेको जानकारी गराउँदै विभिन्न भातृ संगठनको पनि बुथ कमिटी गठन गरिने प्रकृया अघि बढिरहेको थापाले अवगत गराए। यसबाहेका थापाले युमोको सांगठानिक गतिविधिबारे पनि सभामा प्रकाश पारे। युमो जोनल एक प्रचार-प्रसार सचिव दिनेश तामाङद्वारा संचालित सभालाई सम्बोधन गर्दै वक्ताहरूले असम राज्यमा एनआरसीले सृजना गरेको विवादलाई अघि राख्दै भाजपाले पहिला गोर्खाहरूको स्थायी समस्या समाधान गरेर एनआरसी लागु गर्नुपर्ने माग गरे। जीटीएले बेकारी युवाहरूलाई रोजगारको अवसर प्रदान गर्नुपर्ने साथै विकाश हुनबाट छुटेका गाउँ-बस्तीहरूमा विकाशमूलक कार्य गरिनुपर्ने पनि वक्ताहरूले सुझाउ राखे। सभालाई गोजमुमो जोनल एक सभापति अजय प्रधान, युमोबाट राजेश राई, अशोक छेत्री, अजीत राई, नविन राई, सुरज प्रधान आदिले पनि सम्बोधन गरेका थिए। सभामा गोजमुमो जोनल एक सचिव रविन प्रधान, युमो जोनल एक सचिव प्रकाश लेप्चा, सुवास छेत्री, जोनल दुइ सभापति साङ्गे शेर्पा, सचिव उमेश थापा, सितम तामाङ, अशोक राई, डोमिनिक थापा, डीबी मुखिया, नारी मोर्चाबाट कमला तिवारी आदिको विशेष उपस्थिति रहेको थियो।
Camera
Rustam Sharma
Edit
Rohan Kulung
8637816394/ 9733161396