गोरूबथान सरकारी ठेकेदार कल्याण संगठनको कार्यालय उद्घाटन ....
29गोरूबथान सरकारी ठेकेदार कल्याण संगठनको कार्यालय बिहीवार शिक्षक दिवसको अवसर पारेर उद्घाटन गरियो। आहाले एक गैरी गाउँमा बिहीवार संगठनका सभापति मोतिलाल प्रधानको बाहुलीबाट रिबन काटेर कार्यालय विधिवत रूपमा उद्घाटन गरियो। उद्घाटन कार्यक्रमपछि पत्रकारहरूसित कुराकानी गर्दै सभापति प्रधान अनि सचिव राजकुमार राईले गोरूबथानका सरकारी ठेकेदारहरूको समस्या निदानको निम्ति संगठन गठन गरिएको तथा संगठनका पदाधिकारी तथा सदस्यहरूको जोगाजोगको सुविधार्थ कार्यालय खोलिएको बताए। अहिले संगठनसित 32 जना सदस्यहरू जोडिएको जानकारी गराउँदै छुटेकाहरूले पनि समयमै संगठनसित जोडिने पदाधिकारीद्वयले जनाए। ठेकेदारहरू संगठित नभएकोले काम गर्दा ठेकेदारहरूलाई नै क्षति पुगिरहेको बताउँदै भूल बुझाबुझको कारण ठेकेदारहरूले तल्लो दरमा बीट भइरहेकोले सरकारलाई नै फाइदा पुगिरहेको जनाए। तर अब यस्तो नहुने बताउँदै संगठनको निर्देशअनुसार गोरूबथानका ठेकेदारहरूले काम गर्नुपर्ने बताए। कार्यालय उद्घाटन कार्यक्रममा उपसभापति डीके लामा, सहसचिव कुन्दन प्रधान, कोषाध्यक्ष एनबी बस्नेत, राजेन प्रधान आदिको उपस्थिति रहेको थियो।
Camera/ Edit
Lenin Rai Kulung
8637816394/ 9733161396