गोरूबथान एफसी गर्ल्सको तत्वावधानमा सम्पन्न भइरहेको महिला फुटसल खेलको पहिलो क्वाटर फाइनल ...
41गोरूबथान एफसी गर्ल्सको तत्वावधानमा सोमबारे बजारस्थित बाबरी खेल मैदानमा सम्पन्न भइरहेको महिला फुटसल खेलको पहिलो क्वाटर फाइनल खेल आयोजक टोली अनि मिनग्लासमाझ खेलियो। रोमाञ्चक खेलको अन्तिम क्षणमा मिनग्लासको पक्षबाट जर्सी नम्बर 8 हेमा प्रधानले निर्णायक गोल गर्दै आयोजक टोलीलाई 1-0 ले पराजित गर्यो। दर्शकहरूको बाक्लो उपस्थितिबीच खेलिएको क्वाटर फाइनल खेलको अवसरमा अन्तराष्ट्रिय महिला फुटबल खेलाडी तथा आलुबारी, दार्जीलिङ निवासी सुश्री सुजता राईलाई आयोजक पक्षबाट सम्मान जनाइयो। राईले लण्डनको कार्डिफ स्टचल्याण्डमा सम्पन्न होमलेस वर्ल्ड कपमा भारतको पक्षबाट खेलिसकेकी छन् भने मुम्बईबाट राष्ट्रिय खेलमा अनि पश्चिम बंगालबाट स्टेट लेवल खेलमा आफ्नो दक्षता प्रस्तुत गरिसकेकी छन्। फुटबल खेलमा पुराएको योगदानको कदर गर्दै राईलाई एफसी गर्ल्सको पक्षबाट सम्मानित गरियो। आज सम्पन्न खेललाई सुचारु संचालन गराउनको निम्ति रेफ्रीको भूमिकामा रिवाज प्रधान रहेका थिए। सुरज प्रधानद्वारा संचालित कार्यक्रममा काशिराम प्रधान, मोतिलाल प्रधान, कमल राणा, अजय प्रधान, रविन प्रधान, दिपक कार्की, कमला तिवारी, कमला तामाङ, डीबी सार्की, गोरूबथान थाना प्रभारी आदिको विशेष उपस्थिति रहेको थियो।
Camera/ Edit
Lenin Rai Kulung
8637816394/ 733161396