23औं राष्ट्रिय प्राणी सम्पदा विकाश सप्ताह ...
9जीटीए प्राणी सम्पदा विकाश विभाग, कालेबुङ जिल्लाको आयोजनमा गोरूबथानमा 23 औं राष्ट्रिय प्राणी सम्पदा विकाश सप्ताह पालन गरियो। पश्चिम बंगाल गो-सम्पदा विकाश संस्थाको सौजन्यमा सम्पन्न कार्यक्रममा गोरूबथान खण्ड विकाश अधिकारी विश्वरंजन चक्रवर्ती मुख्य अतिथिको रूपमा उपस्थित थिए। नोवम वनबस्तीस्थित नोवम शिशु शिक्षा केन्द्र परिसरमा सम्पन्न कार्यक्रममा विभिन्न घरेलु पशुहरूमाझ प्रतियोगिता पनि राखिएको थियो। जसमा विजयी कृषकहरूलाई विभागको तर्फबाट पुरस्कार प्रदान गरियो। यस अवसरमा घरेलु गाईमा प्रथम सर्वधन राई, दोस्रो प्रेम बहादुर राई, तेस्रो गोरे राई, बाख्रामा पहिलो जीतबहादुर सुब्बा, दोस्रो अमृत माया राई, तेस्रो सुमन राईलाई पुरस्कृत गरियो। त्यसरी नै प्रोगेसिभ फारमरको रूपमा मोहन कुमार राई (नोवम बनबस्ती), बेस्ट बीएएचसी गोरूबथान, बेस्ट ब्लक कालेबुङ एक, बेस्ट एमभीसी पेदोङलाई चयन गरियो। सितम मोक्तानको अध्यक्षतामा सम्पन्न कार्यक्रमलाई सम्बोधन गर्दै मुख्य अतिथि चक्रवर्तीले जैविक खेतीको निम्ति पशु पालन आवश्यक रहेको बताए। पशु पालन गर्दा कृषकहरूको आयस्रोत पनि बढ्ने बताउँदै यसबाट मानिसहरूलाई धेरै फाइदा हुने जनाए। एमजीनरेगामार्फत कृषकहरूले गाई, बाख्रा अनि सुंगुरको खोर बनाउन सक्ने पनि तिनले जानकारी गराए। त्यसरी नै अर्का वक्ता तथा विशिष्ट अतिथि डा. देवेन्द्र प्रधान डेपुटी डाइरेक्टर एनिमल रिसर्च डेभलपमेन्ट विभाग कालेबुङ जिल्लाले सप्ताहव्यापी कार्यक्रम आयोजन गरिनुको औचित्यबारे सविस्तार जानकारी गराए। यस कार्यक्रममार्फत कृषकहरूलाई पशु पालनबारे जानकारी गराउनका साथै सरकारी सहुलियत वितरणसितै थप अन्य विषयबारे पनि जानकारी गराउने गरेको बताए। विभाग र कृषकबीच दुरुत्व नहुनुपर्ने विचार राख्दै विभागद्वारा लागु गरिएको योजना तथा सहुलियतबाट कृषकहरूले फाइदा उठाउनुपर्ने सुझाउ राखे। अहिले जैविक खेतीको माग बढिरहेकोले पशु पालन गरेर यसबाट धेरै आमदानी गर्न सकिने बताए। कार्यक्रमबाट स्थानीय कृषकहरूले धेरै फाइदा लिन सकेको विषयमा आफू विश्वस्त रहेको पनि तिनले सम्बोधनमा राखे। कार्यक्रममा बस् अनि चित्र बनाऊ प्रतियोगिता पनि राखिएको थियो। जसमा अनुज तामाङ, स्वीकृति प्रधान, अभी लामा क्रमैले पहिलो, दोस्रो अनि तेस्रो बने। त्यसरी नै कार्यक्रममा बिलम राई, बबिता राई, विजय खाती आदिले गीत प्रस्तुत गरेका थिए भने नोवम शिशु शिक्षा केन्द्र, नीम एमएसके, छोटा माङजिङ एमएसकेका नानीहरूद्वारा नृत्य प्रस्तुत गरियो। डा. लाछिरिङ भोटिया, राजु प्रधान, तुलसी राईद्वारा संयुक्त रूपमा संचालित कार्यक्रममा भीओ डा. पार्थो सारथी मण्डल, एडीए मुकेश तामाङ, डा. केसाङ बम्जन, डा. जिग्मी भोटिया, डा. अजीत सिंघ, डा. एलटी भोटिया, डा. कौशल थापा, डा. चुडामणि शर्मा, डा. टासी फिन्चो भोटिया, डा. डीपी पाण्डे, बीट अफिसर नन्दराज थापा, गोविन्द परियार, गोकुल छेत्री, आरबी छेत्री, पदम खवास, दिपक शर्मा, अरूण तामाङ, लासाङ लामा, अम्बर छेत्री, बसन्त तामाङ, रंजना राई, अशोक बासु आदिको विशेष उपस्थिति रहेको थियो।
Camera
Lenin Rai
Edit
Rohan Kulung
8637816394/ 9733161396