महिला फुटसल खेलको चुडान्त खेलमा युनाइटेड गर्ल्स सिलगढी च्याम्पियन ...
29गोरूबथान एफसी गर्ल्सको आयोजनमा बाबरी खेल मैदानमा चलिरहेको महिला फुटसल खेलको चुडान्त खेल बुधवार सम्पन्न भयो। युनाइटेड गर्ल्स सिलगढी अनि एनजीएफसी कालेबुङमाझ खेलिएको खिताबी भिडन्तमा सिलगढीले कालेबुङलाई 2-0 ले पराजित गर्दै च्याम्पियन ट्रफी आफ्नो झोलीमा पार्यो। विजेता अनि उपविजेता दललाई आकर्षक ट्रफी अनि नगद राशि प्रदान गरियो। खेलमा उत्कृष्ट प्रदर्शन गर्ने कालेबुङकी खेलाडी इडेन भोटिया, सिलगढीकी खेलाडी सिकनोरिया थापालाई म्यान अफ् द म्याच, म्यान अफ् द टुर्नामेन्ट कालेबुङकी खेलाडी अपसना तामाङ, राइजिङ प्लेयर मिनग्लासकी खेलाडी त्रिसा मुण्डा, सर्वाधिक गोल गर्ने खेलाडी सिलगढीकी सुस्मिता लेप्चालाई चयन गरियो। गोजमुमो जोनल एक सभापति अजय प्रधानको अध्यक्षतामा सम्पन्न कार्यक्रममा केएन सुब्बा मुख्य अतिथिको रूपमा उपस्थित थिए। त्यसरी नै कमल राणा, निर्मल रोय, काशिराम प्रधान, डीबी प्रधान, अशोक सुनाम, मोतिलाल प्रधान, सार्जन राणा, बबरू बहन राणा, हेमन्त गुरुङ, ओमप्रकाश कार्की, ललित सोताङ, विशाल परियार, डीबी सार्की, डीबी गुरुङ, असीम राई आदिको विशेष उपस्थिति रहेको थियो। कार्यक्रममा युद्धवीर उमाविका नानीहरूद्वारा नृत्य प्रस्तुत गरिएको थियो। त्यसरी नै कार्यक्रमलाई थप आकर्षक बनाउनको निम्ति सोमबारे बजार अनि गोरूबथान टारमाझ प्रदर्शनी भेटरेन खेल सम्पन्न भयो। मुख्य खेलमा रेफ्रीको भूमिकामा रिवाज प्रधान अनि भेटरेनमा सुजता राई रहेका थिए। दाताहरूमा विजेता ट्रफी प्रणय गुरुङ, उपविजेता ट्रफी विकाश तामाङ, अञ्जु तामाङ, विजेता व्यक्तिगत पुरस्कार विशाल परियार, उपविजेता व्यक्तिगत पुरस्कार आयोजक कमिटी, म्यान अफ् द म्याच ट्रफी विनिता थापा, म्यान अफ् द टुर्नामेन्ट अर्चना सिंह, सर्वाधिक गोल जीवन प्रधान, इमाजिन प्लेयर कुनाल परियार, विजेता राशि राकेश अग्रवाल सिलगढी अनि गोरूबथान सरकारी ठेकेदार कल्याण संगठन, उपविजेता राशि रतन थापा अप्पर फागु रहेका थिए। त्यसरी नै गोजमुमो कालेबुङ जिल्ला समिति कोषाध्यक्ष रूदेन लेप्चा, भीम प्रधान सोमबारे बजारले पनि आयोजक कमिटीलाई आर्थिक सहयोग प्रदान गरेका थिए। अर्कोतिर आयोजक कमिटीलाई गोजमुमो जोनल एक सभापति अजय प्रधानले फुटबल जर्सी प्रदान गरे। कार्यक्रमलाई सफल बनाउन सहयोग पुराउने सबैप्रति आयोजक कमिटीको पक्षबाट विनिता थापा अनि प्रियंका प्रधानले आभार प्रकट गरेका छन्।
Camera
Gourav Rai Kulung
Edit
Lenin Rai Kulung
8637816394/ 9733161396